Mei Liadabuach - Gschamsda Diena!

Das ist die Seite von Gustav Freudmann / Mei Liadabuach

Gschamsda Diena!

(Sympathy for the Devil/Rolling Stones)

Bidtschee deafad i mi vuaschdöhn gach?
Bin eisa Mau guad gschöd und kuidiviadt.
Bin bei eich jedsn scho a launge, launge Zeid,
hob vü de Sö gnumma - und es Gmiadt.

I woa dabei, wias in Jesus hod blogd
mid seine Zweife und sein Leid
und hob drauf gschaud, doss da Pilatus
konn seine Hend woschn, volla Freid.

Gschamsda Diena!
Wissdts eh, wia_r_i haß?
Es kennds eich goa ned aus und grod des,
grod des is mei Gschbaß!

Eigridn bin i in Bedasbuag,
grod wias Zeid woa fia_r_an reinan Disch.
Hob in Zoan gmaxld und seine Hawara,
de Anasdasia hod gread fiad Fisch.

Hob dausnd Baunza gschickdt,
eis Genaroi bin i greud,
duachn Blidsgriag, bis
de Kadawa haum gfeud.

Gschamsda Diena!
Wissdts eh, wia_r_i haß?
Es kennds eich goa ned aus und grod des,
grod des is mei Gschbaß!

Hob ma de Händ griem
wia_r_iwa hundad Joa
Keisa und Kenich haum eich
fia eanare Gedta gmochd goa.

I hob gfrogd, wea hod ognoid
de Kennedis?
Es olle woads dabei,
sovü is amoi gwiss!

Bidtschee deafad i mi vuaschdöhn gach?
Bin eisa Mau guad gschöd und kuidiviadt.
Hob dena foahrende Sänga Foin aufgschdöd
und olle haum si vuan Zü vabliadt.

Gschamsda Diena!
Hobds gwussd, wia_r_i haß?
Jo, gö?
Es kennds eich goa ned aus und grod des,
grod des is mei Gschbaß!
Auf de Gnia!

.
.
.

Gschamsda Diena!
Hobds gwussd, wia_r_i haß?
Es kennds eich goa ned aus und grod des,
grod des is mei Gschbaß!
Mmm, jo!

Wia jeda Kiwara is a Häfnbua
und jeda Schdroich heulich sei kenndt,
Kopf oda Zoi, nennds mi afoch Ludsifa,
i warad jeds gean a weng dedsend.

Soidt ma si dreffn, dads ma uandlich schee!
Sads olle liab und freindlich zu mia.
Grodsds eicha gaundsas eigleands Benimmdi zsaumm
oda_r_i moch eich olle schdia.
Mmm, jo!

Gschamsda Diena!
Hobds gwussd, wia_r_i haß?
Mmm, jo!
Es kennds eich goa ned aus und grod des,
grod des is mei Gschbaß!

Owe mid eich!
Auf de Gnia!
owe mid eich, auf de Gnia!

Hobds gwussd,
hobds gwussd wia_r_i haß?
Hobdsas gwussd wia_r_i haß?

Hobdsas gwussd?
Hobdsas gwussd?
Hobdsas gwussd wia_r_i haß?

Es kenndts eich ned aus.
Es kenndts eich ned aus.
Es kenndts eich goa ned aus und des mochd ma Gschbaß

Sogds wia_r_i haaß!
Sogds ma wia_r_i haaß!
Sogdsas, Sogdsas wia_r_i haaß!

Draudts eich nua!
Draudts eich nua!
Draudts eich und sogds ma wia_r_i haaß!

Es wissdsas ned.
Es wissds goa nix.
Goa nix wissdts
und des mochd ma Gschbaß.

Des is mei Gschbaß.
Des is mei Gschbaß.
Des is mei
gresdta Gschbaß.

Es kenndts eich ned aus.
Es kenndts eich ned aus.
Es kenndts eich goa ned aus
und des mochd ma Gschbaß.

Es wissdts nix.
Es wissdts goa nix.
Goa nix wissdts
und des is mei Gschbaß.